ICU

20:00 Feb 17, 2009 

Gentiana, Fabiana,
Vetë fjala "terapi" në këtë kontekst është (plotësisht) e gabuar. Mjekimi dhe terapia janë të ngjashme, por jo të njëjta.
Therapy: "The treatment of disease or disorders by remedial, rehabilitating, or curative process: speech therapy."
Treatment: "Administration or application of remedies to a patient or for a disease or injury."
Kur një i sëmurë del ta zemë nga salla e operimit dhe futet në sallën e Reanimacionit (Thx Keti e Monika që ma kujtuat këtë fjalë të harruar) atij nuk i bëhet therapia, por i jepet mjekim, i cili është intensiv.
Therapi intensive është kaq: një terapi që bëhet në mënyrë intensive.
Mjekimi intensiv është kujdesi që i sëmuri merr në sallën e Reanimacionit.
Mjekimi intensiv (ose ICU) është: A specialized section of a hospital containing the equipment, medical and nursing staff, and monitoring devices necessary to provide intensive care.
Edhe një herë, faleminderit Keti, Monika dhe Sherefedin për ndihmën tuaj.

15:30 Feb 17, 2009 

Përshëndetje Fabiana,

Fjala repart përdoret vetëm në uzina e fabrika p.sh., por jo në përmbajtjen e spitaleve. Nqs. ne duhet t’i përmbahemi saktësisë së fjalorit sikurse asaj të drejtshkrimit, atëherë duhet të përdorim përkthimin e saktë. Në Shqipëri tani studentët e gjuhëve të huaja, që bëjnë praktikën e janë të punësuar nëpër ministri janë shumë të ndikuar nga gjuha angleze etj., prandaj dhe perkthimet e tyre nuk janë në nivelin e duhur. Në Shqiperi, për spitale nuk përdoret fjala ‘department’ sikurse ne vendet anglisht-folese. Për cdo degë, shkruhet thjesht, psikologjia, neuro-psikiatria, reanimacioni, urgjenca etj. As shërbim nuk përdoret e as departament /degë/seksion (sikurse në administratë). Shpresoj të jem sqaruar sadopak. Keti

09:45 Feb 17, 2009 

Në përdorimin e folur midis njerëzve dhe midis profesionistëve përdoret "Reparti i reanimacionit". Nëpër spitale tashmë dhe në dokumentet e Ministrisë së Shëndetësisë tashmë shkruhet "Reparti i Terapisë Intensive". Unë së paku kam përkthyer dy raporte kohët e fundit për nevojë fondesh dhe nevoja parësore përqendroheshin tek "Reparti i Terapisë Intensive" :))

22:50 Feb 16, 2009 

Gentiana, unë nuk jam përgjegjëse e kontrollit të cilësisë mbi mënyrat dhe variacionet e përkthimit sot në Shqipëri. Disa e bëjne për punë, disa për përfitim, e të tjerë për argëtim, por përsa i përket kësaj fjale /shprehjeje ky është përkthimi i saktë dhe i vetëm që ekziston. Ne mund të shprehim mënyra të tjera sikurse bëtë edhe ju këtu (dhe kjo është gjë e mirë për ta përmirësuar kuptimin e fjalës /shprehjes), por në fund duhet të biem dakord për fjalën /shprehjen e saktë, pasi kjo është më e rëndësishme për pyetësin. Besoj se me këtë qëllim akordoheni edhe ju. keti