Ужыванне дзепрыметнікаў у беларускай мове - даўняе набалелае пытанне, як і переклад іх з рускай мовы. У выніку русіфікацыі ў пэўны перыяд распаўсюдзілася выкарыстанне неўласцівых беларускай мове дзеепрыметнікаў незалежнага стану з суфіксамі -уч, -ач, -ш, -ўш, залежнага стану з -ем...
Асабліва вялікая спакуса іх ужывання пры перакладзе з рускай мовы, і асабліва для тых, для каго беларуская мова з'яўляецца не роднай, а вывучанай (фактычна для большасці). Тым не менш, нават многія падручнікі савецкага перыяду падкрэсліваюць іх неўласцівасць для беларускай мовы.
Напрыклад, працытую дапаможнік для абітурыентаў: "Рэдкасныя ў беларускай мове дзеепрыметнікі залежнага і незалежнага стану цяперашняга часу... Ужываюццца ў навуковых працах, мове газет, пераважна ў складзе тэрмінаў... Большасць з іх страцілі дзеяслоўныя адзнакі... і перайшлі ў прыметнікі: неўміручы подзвіг, любімы лес, вядомы вучоны...
У беларускай мове ёсць сродкі для замены неўласцівых ёй дзеепрыметнікаў пры перакладзе з іншых моў (у першую чаргу з рускай)... Неўжывальную форму можна замяніць:
даданым сказам: Мы шли обочиной дороги, покрытой прошлогодними листьями, ещё не высохшими после снега - Мы ішлі ўскрай дарогі, усцеленай леташнім лісцем, якое яшчэ не высахла пасля снегу;
дзеепрыслоўем, дзеепрыслоўным зваротам: ... сказал остановившийся Чуб - ...сказаў Чуб, спыніўшыся;
прыметнікам: всепроникающее присутствие поэзии - усёпранікальная прысутнасць паэзіі;
назоўнікам: будущее - будучыня, купающиеся - купальшчыкі, рассказывающий - апавядальнік..."

Таму тут можна замяніць неўласцівы беларускай мове дзеепрыметнік залежнага стану цяперашняга часу даданым сказам - з прэпаратам, што знаходзіцца на даследаванні/які даследуецца/які з'яўляецца аб'ектам даследавання, альбо з прэпаратам - аб'ектам даследавання.
Так, гэта даўжэй, але ў кожнай мове ёсць свае плюсы і мінусы, што зробіш!

http://mova.na.by/artykuly/dziejaprymietnik.html